السواقه ف مصر عامله زي ما تكون في ميدان موانع .. مثلاً ماشي ف أمان الله كده تلاقي كارو جاي من يمينك مزنق عليك تقوم تتفاداه ع آخر لحظه و الحصان خلاص راسه عندك جوه الكابينه ... كمان شويه واحد بعجله من ع شمالك جاي يلبس فيك تقوم مفرمل أحسن تشيله و بعد ما يحصل خير تلاقيه بيقولك إنتا ما بتشوفشي يا ×××××× .. و بعد ما تتفادي كل دول تلاقي واحد عايز يعدي جري من تحت العربيه تقوم مفرمل جاااامد عشان ماتشيلوش .. و فجأه تلاقي ودنك بتسمع ألفاظ غريبه من اللي كنت هتدوسه ده ع أساس إنك إنتا اللي غلطان ... و هكذا طول ما إنتا سايق
السائق المصري أفضل سائق ف العالم لإنه بيتفادي دول كل يوم
